Ağasiyev Pərvin Əlizadə oğlu 23 avqust 1986-cı ildə Dəvəçi (indiki Şabran) rayonu Yenikənd kəndində anadan olmuşdur. 2003-cü ildə Siyəzən rayon V.Qasımov adına Yenikənd kənd tam orta məktəbində tam orta təhsilini müvəffəqiyyətlə başa vurmuşdur. 2003-cü ildə Sumqayıt Dövlət Universitetinin “Tarix” fakültəsinə daxil olmuş və 2007-ci ildə həmin universiteti “Tarixçi,müəllim” ixtisası üzrə bitirmişdir. Hərbi xidməti bitirdikdən sonra 2008-ci ildən 2010-cu ilədək Siyəzən rayon R.Məmmədov adına Eynibulaq kənd tam orta məktəbində tarix müəllimi vəzifəsində əmək fəaliyyətinə başlamışdır.

    2008-2011-ci illərdə Azərbaycan Dövlət Pedoqoji Universitetində qiyabi qaydada “Qədim dünya tarixi” ixtisası üzrə magistratura təhsili almışdır.

    2010-cu ildən 2017-ci ilədək əmək fəaliyyətini Siyəzən şəhər 6 saylı məktəb-liseydə davam etdirmişdir.

    2017-2019-cu illərdə Siyəzən şəhər Ş.İsmayılov adına 3 saylı tam orta məktəbdə direktor vəzifəsində çalışmışdır.

    23 oktyabr 2019-cu il tarixindən Siyəzən Rayon Təhsil şöbəsinin müdiri vəzifəsinə təyin olunmuşdur.